以下是Sky Sir 友好：棋亮撰文
上周五美國公布遠差於市場的就業數據，美匯立即轉弱，金價升。Delta對美國經濟復甦的影響比預期大，今年美國貨幣政策轉向又要放埋一邊。
香港這邊市場當然望住恆大啲債，三個月跌咗成六成，政府又督促佢要處理債務，潛台詞即係話唔救，問題係個黑洞有幾大？
恆大股東資金有四千幾億，但啲美元債都係跌到三成幾，唔多唔少反映緊股東好大機會輸哂，而且破產後，債主都好難收得返幾多。最重要跌到三折，恆大都唔回購啲債，得一個可能性，就係無錢。帳面條數打到賺幾多都無謂，無現金還比人先係問題。
最後仲有西非幾內亞發生政變，有報道話發動者已奪權，又有報道話，原政府已成功鎮壓判亂，但就無佢哋政府出啲確認消息。幾內亞同澳洲每年出口嘅鋁土礦佔全球近一半，如果幾內亞陷入混亂，鋁價有機會惡性上升，令成條下游產業鏈受到衝擊，包括用大量鋁做車架的電動車，無得唔跟。
棋亮執筆
Search